Www.MaHMoUDeMaD.CoM
اهلا بكم فى منتديات محمود عماد سجل وسوف تجد المفاجات ويوجد اقسام لاى طلب اطلب وانا تحت امرك ورمضان كريم ملحوظة المنتدى مش زمالكاوى بس لا واهلوى كمان مصري 100%



 
الرئيسيةالتسجيلدخول

شاطر | 
 

 درس في الغلاسة والرخامة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عروس البحر
لاعب جديد
لاعب جديد


عدد المساهمات : 7
تاريخ التسجيل : 28/07/2010

مُساهمةموضوع: درس في الغلاسة والرخامة   الخميس يوليو 29, 2010 2:42 pm

هنعلمكم دروس الغلاسه والرزاله



وازاي تبئوا مشاكسين



تعالو معايا واحده واحده كدا عشان متهوش مني



واللي هيسمع الكلام بتاعي بالحرف ويذاكر هيبئا ارزل وابرد واحد في الدنيا



يلا بينا نبدا





اول حصة رزاله هتتكلم عن المواصلات



لو راكب فى باص أو ميكروباص وجنبك حد نايم اوعى تسيبه نايم

كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى



لو مش نايم متسيبوش فى حاله برضه عيب عليك متجيش

ركز على سؤال واقعد اسألهوله كل شوية زى أنت نازل فين طب انت دفعت ولا لأ



لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد

أو قوله ماتنزل من الشباك



لو انت فى أتوبيس وقاعد على كرسى وجنبك ناس واقفة استمتع بقى وخدك وقتك

اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى

ياجماعة محدش نازل قريب أصل انا عايز اقعد طول مانت واقف قول كده لحد مايقعدوك



لما الكمسرى يجى ياخد منك الاجرة اسأله على تمن كذا مكان

يعنى قوله هو لغاية الحتة الفلانية بكام طب لغاية الحتة دى بكام

اسأل على تمن كل الاماكن اللى تعرفها لحد مايقولك ياعم خلصنى رايح فين

قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها

لحد ما صاحبها يزهق ويشدها منك



فى مفتش بقى ساعات بيطلع يفتش على التذاكر وبيطلع على السريع كده وينزل

أنت بقى اوعى تديهاله علطول كده أزعل منك والله

دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله

واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك



كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رزل ولا حاجة

وأنت نازل هيبقى فى ناس واقفة أعمل نفسك مش عارف تعدى

وحاول تجاهد على قد ماتقدر وتضيع الوقت اللى تقدر عليه

لحد الناس ماتشيلك وترميك بعد ماتكون جبتلهم السكر ورفعت ضغطتهم


هههههههههههههههههه
شكرا ليكو
وربنا يسترها معاكووووووووو
الرجوع الى أعلى الصفحة اذهب الى الأسفل
????
زائر



مُساهمةموضوع: رد: درس في الغلاسة والرخامة   الثلاثاء أغسطس 03, 2010 5:26 am

هههههههههههههههههههههههههههههههههههههههههههه
والله جامده
انا مت من الضحك بس انا كدا الى هموت
الرجوع الى أعلى الصفحة اذهب الى الأسفل
 
درس في الغلاسة والرخامة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Www.MaHMoUDeMaD.CoM :: النكت والطرائف-
انتقل الى: